23 нче код буенча ТДИ (ОГЭ) биреме — 2017

Эльвира ДЕНМӨХӘММӘТОВА, Кадрия ФӘТХУЛЛОВА, КФУ доцентлары, татар теленнән ТДИ үткәрү комиссиясе әгъзалары

Эшне башкару өчен күрсәтмә

Татар теленнән төп дәүләт имтиханын тапшыру өчен, 3 сәгать 55 минут вакыт бирелә.

Имтихан эше 32 биремне үз эченә алган 5 бүлектән тора. 1 нче бүлектәге 13 бирем (1 – 13 нче биремнәр) укучыларның тыңлап аңлау күнекмәләрен тикшерүгә юнәлтелгән. 2 нче бүлектәге 7 бирем (14 – 20 нче биремнәр) укучыларның уку күнекмәләрен тикшерү максатыннан бирелә. 3 нче бүлектәге 8 бирем (21 – 28 нче биремнәр) укучыларның лексик-грамматик күнекмәләрен тикшерүгә кайтып кала. 4 нче бүлектәге ачык типтагы 29 нчы бирем укучыларның язма сөйләмен тикшерүгә юнәлтелгән. 5 нче бүлек укучыларның телдән сөйләмен тикшерүне үз эченә ала һәм 3 биремнән тора: текстны сәнгатьле итеп укуны тикшерү (30 нчы бирем), диалогик сөйләмне тикшерү (31 нче бирем), монологик сөйләмне тикшерү (32 нче бирем). Телдән сөйләмне тикшерү өчен, һәр укучыга 15 минут вакыт каралган.

Биремнәрне үтәгәндә, орфографик сүзлекләрдән файдаланырга рөхсәт ителә. Караламадагы язулар тикшерелми!

Уңышлар телибез!

<…>

5 нче бүлек

  1. Текстны сәнгатьле итеп укыгыз. Әзерләнү өчен, сезгә 2 минут бирелә. Текстны уку вакыты – 2 минут.

Аның турында төрле халыкларда әкиятләр күп. Һәм ул, дөрестән дә, шул әкиятләрдә бирелгән сыйфатларга ия. Төлке бик күркәм: кабарып торган койрык, сары тун, озынча борын, күзләре матур, алар хәйләкәр елмаялар кебек. Аның гәүдәсе дә сылу. Үзе уртача эт зурлыгында, авырлыгы 6 10 килограммга җитә.

Төлке тычканнарны бик ярата. Бер көндә ул 12 20 тычкан тота. Табигать аңа ис сизү, ишетү һәм бер күргән әйберне истә калдыру сәләтен биргән. Ул тычкан тавышын йөз метрдан, ә аның яшерен сукмаклардан йөргәнен ярты метр калынлыктагы кар астыннан ишетеп ала.

Төлке – бик яхшы аучы. Күзәтүчән, бик яхшы йөзә, тиз йөгерә. Әйтик, үзен куып килгән эт артыннан җитсә, ул нишли дип уйлыйсыз? Кинәт кенә туктый да эткә каршы сикерә.

  1. Сез яшьләр тормышы турында интервью бирәсез. Сорауларны игътибар белән тыңлагыз һәм тулы җаваплар бирегез. Һәр сорауга җавап бирү өчен, 40 секунд вакыт бирелә.

Сезнеңчә, бүгенге яшьләр нәрсәләр белән кызыксына?

Яшьләр нинди чараларда катнашалар?

Сез яшь кеше буларак нәрсә турында хыялланасыз?

Бүгенге яшьләр арасында нинди проблемалар бар?

Яшьләр нинди булырга тиеш?

  1. Татарстанның табигате турында сөйләгез. Әзерләнү өчен, 2 минут бирелә. Текстны сөйләү өчен, 2 минут вакыт каралган.

Сөйләмегездә түбәндәге мәгълүматлар да булсын:

Татарстанның табигате нинди?

Анда нинди байлыклар бар?

Татарстан аша нинди зур елгалар ага?

Татарстан урманнарында нәрсәләр үсә, нинди җәнлекләр яши?

Тулы версияне йөкләү

Чыганак: magarif-uku.ru

22 код өчен БРТ биреме (телдән җавап бирү өлеше белән)

Гөлназ МӨГЪТӘСИМОВА, КФУ доценты, татар теленнән БРТ үткәрү комиссиясе әгъзасы

ЯЗМА ӨЛЕШЕ

Эшне башкару өчен күрсәтмә

Рус телендә гомуми белем бирү оешмаларының 9 нчы сыйныфын тәмамлаучы укучыларга татар теленнән бердәм республика тестының язма өлешен эшләү өчен, 2 сәгать 30 минут (150 минут) вакыт бирелә. Язма өлеше 2 бүлектән тора.

Беренче бүлек 10 биремне (1 – 10) үз эченә ала. Алар укылган текст нигезендә эшләнә. 1 – 2 нче биремнәрне үтәгәндә, дөрес җавапны тәкъдим ителгән 4 варианттан сайлап алып, 1 нче номерлы җавап  бланкына бер цифр белән язарга кирәк. 3 ‒ 10 нче биремнәргә җавапларны укучылар мөстәкыйль рәвештә формалаштыралар. Әлеге биремнәргә җаваплар сүз (сүзтезмә) яки цифрлар белән 1 нче номерлы җавап бланкына языла. Ялгышкан очракта, аны пөхтә итеп сызып, янына дөрес җавапны язарга була.

Икенче бүлектәге биремне укучылар 1 нче бүлектәге текст буенча башкаралар. Эшли башлаганчы, тәкъдим ителгән (11.1 һәм 11.2) биремнәрнең берсен сайларга һәм үз фикереңне дәлилләп, эзлекле рәвештә киңәйтелгән җавап бирергә кирәк. Әлеге бирем 2 нче номерлы җавап бланкында эшләнә.

Тест биремнәрен үтәгәндә, орфографик сүзлекләрдән файдаланырга рөхсәт ителә.

Караламадагы язулар тикшерелми!

Биремнәрне тәкъдим ителгән эзлеклелектә эшләргә киңәш ителә. Җавап бирергә авырсынган бирем очраса, аны калдырып, башкаларын эшли торыгыз. Вакыт калса, аларга яңадан әйләнеп кайтырсыз.

Үтәлгән биремнәр өчен куелган баллар бергә кушыла. Мөмкин кадәр күбрәк биремгә дөрес җавап биреп, югарырак балл җыярга тырышыгыз.

ТЕЛДӘН ҖАВАП БИРҮ ӨЛЕШЕ

Эшне башкару өчен күрсәтмә

Рус телендә гомуми белем бирү оешмаларының 9 нчы сыйныфын тәмамлаучы укучылар өчен татар теленнән бердәм республика тестының  телдән җавап бирү өлеше 2 биремнән гыйбарәт.

Беренче биремдә шартлы сораштыруда катнашырга тәкъдим ителә. Аудиоязмадан ишетелгән биш сорауга җавап бирергә кирәк.

Икенче биремдә тәкъдим ителгән фото турында сөйләү каралган. Әзерлек өчен 2 минут вакыт бирелә.

Бердәм республика тестында катнашучы бер укучы бу биремнәрне 15 минут эчендә эшләргә тиеш. Җаваплар аудиоязмаларга теркәлеп бара. Биремне төгәл үтәргә, бирелгән темадан читләшмичә, тәкъдим ителгән план буенча ачык һәм аңлаешлы сөйләргә кирәк. Мөмкин кадәр күбрәк биремгә дөрес җавап биреп, югарырак балл җыярга тырышыгыз.

Сезгә уңышлар телибез!

Дәвамын йөкләү

Чыганак: magarif-uku.ru

Рус телендә гомуми белем бирү оешмаларының татар төркемнәрендәге IX сыйныф укучыларына татар теленнән бердәм республика тесты

Вариант №1

Автор — Лилия ҖАМАЛИЕВА, Яшел Үзәндәге 10 нчы гимназиянең I квалификация категорияле татар теле һәм әдәбияты укытучысы

Код 22

Эшне башкару өчен күрсәтмә

Бердәм республика тесты материалларының барлык бүлекләрендәге биремнәрне үтәү өчен, 2 сәгать 30 минут (150 минут) вакыт бирелә. Бу вакыт эчендә укучылар ике бүлектән торган эшне башкарып чыгарга тиеш.

Беренче бүлек  20 биремне (1 – 20) үз эченә ала. Беренче бүлектәге биремнәр укылган текст нигезендә эшләнә.

1 – 20 нче биремнәрнең җавапларын эзлекле тәртиптә сүз (сүзтезмә), саннар ярдәмендә языгыз.

Икенче бүлек  шул ук текст нигезендә эшләнелә.

Икенче бүлектәге биремнәрне эшли башлаганчы, тәкъдим ителгән ике биремнең (21.1 яки 21.2) берсен генә сайлап алыгыз һәм дәлилле киңәйтелгән җавап языгыз.

Бу биремнәр кулланмада – махсус калдырылган буш юлларда, ә тест үтәү вакытында, җаваплар бланкында эшләнә.

Бердәм республика тесты материалларының барлык бүлекләрендәге биремнәрне үтәгәндә, орфографик сүзлектән файдаланырга рөхсәт ителә.

Биремнәрне үтәгәндә, карамаладан файдаланырга ярый. Шуны истә тотыгыз: карамаладагы язмаларыгыз эшне бәяләгәндә исәпкә алынмаячак.

Балларны бергә кушканнан соң, гомуми балл чыгарыла. Шуңа күрә мөмкин кадәр күбрәк биремнәргә дөрес җавап бирергә һәм күбрәк балл  җыярга тырышыгыз.

Уңышлар телибез!

1 нче бүлек

Текстны укыгыз һәм 1 – 20 биремнәрне үтәгез.

Табигатьне саклагыз.

1)Табигать – адәм баласының иң зур байлыгы. 2) Бүгенге көндә, кеше рәхәт гомер итсен өчен, барлык мөмкинлекләр дә тудырылган. 3) Тик табигатебез яшәсен, тереклек итсен өчен, без, кешеләр, нинди чаралар тудырабыз икән? 4) Әллә инде, киресенчә, аларны үз кулларыбыз белән юкка чыгарабызмы? 5) «Табигатьне саклагыз!» дигән сүзләрне дә бик еш ишетәбез. 6) Әмма аларның чын мәгънәсен аңлап бетерәбезме икән? 7) Ә бит бу сүзләргә киләчәгебезгә кагылышлы зур мәгънә салынган. 8) Туган җиребезнең чиста сулы елга һәм күлләрен пычрату, очсыз-кырыйсыз урманнарны бер кирәксезгә кисеп бетерү, чиста һавабызны химия заводларының агулы газлары зарарлау <….> болар әле хәзерге цивилизациянең туган ягыбыз табигатенә салган зыянының бер өлеше генә. 9) Табигатьне пычратучылар белән көрәшне бүгеннән үк башламасак, берничә дистә елдан соң, бөтен тереклек дөньясы көеп бетеп, чүлгә әверелүе ихтимал бит.10) Моңа уен итеп кенә карау һич тә ярамый. 11) Чөнки табигатебезне үз кулларыбыз белән сакламасак, киләчәк тормышыбыз турында уйланулар кирәк булыр микән?! (“Ялкын” журналыннан) Тулырак »

Код 21. 5 нче сыйныф. Татар теленнән район олимпиадасы биремнәре (2015 — 2016 нчы уку елы)

Үткәрү вакыты- 3 сәгать

Максималь балл — 49

 I. Тестлардан берәр дөрес җавапны билгеләгез.

1. Сүздәге сузык авазларның калынлыкта-нечкәлектә ярашуы нәрсәгә бәйле? (2 балл)

а) сингармонизм законына;

ә) рәт гармониясенә;

б) беренче иҗектәге сузык авазның нинди булуына;

в) соңгы иҗектәге сузык авазның нинди булуына;

2. “Урта күтәрелешле, иренләшкән, алгы рәт сузыгы” дигән билгеләмәгә туры килә торган аваз – (2 балл)

а) [о];  ә) [ө];  б) [у];  в) [ү]; Тулырак »

Код 21. 5 нче сыйныф. Татар теленнән мәктәп олимпиадасы биремнәре (2016 — 2017 нче уку елы)

Максималь балл – 44. Үткәрү вакыты — 60 минут.

I. Тестлардан дөрес җавапны билгеләгез.

1. Калын сузык авазлардан гына торган сүзләр рәтен билгеләгез. (2 балл)

а) өстәл, тәлинкә, чәйнек, гөбәдия;

ә) егет, тукран, йокы, алъяпкыч;

б) туфрак, елга, болыт, кулъяулык;

в) юрган, келәм, тәрәзә, ишек.

2. Яңгырау тартык авазлар гына кергән сүзләрдән торган җөмләне билгеләгез. (2 балл)

а) Балыкчы бик күп балык тотты.

ә) Зилә бүген урманга гөмбәгә барды.

б) Песиебез йомгак белән уйный.

в) Төлкенең койрыгы зур. Тулырак »

Код 21. 4 нче сыйныф. Татар теленнән район олимпиадасы биремнәре (2015 — 2016 нчы уку елы)

Үткәрү вакыты — 3 сәгать. Максималь балл — 48.

I. Тестлардан дөрес җавапны билгеләгез.

1. 4 нче сыйныф дәреслегенең 3 нче битендәге (2 балл)

Исәнмесез, минем шаян дуслар!

Хуш килдегез, рәхим итегез!

Кулга тотып белем ачкычларын,

Я, әйдәгез, түрдән үтегез! — дип башланган шигырьнең авторы –

а) Абдулла Алиш; ә) Габдулла Тукай; б) Шәйхи Маннур; в) Муса Җәлил. Тулырак »

Код 21. 4 нче сыйныф. Татар теленнән мәктәп олимпиадасы биремнәре (2016 — 2017 нче уку елы)

Үткәрү вакыты- 60 минут. Максималь балл – 44

I. Тестлардан дөрес җавапны билгеләгез.

1. Калын сузыклардан гына торган мәкальне билгеләгез. (2 балл)

а) Курыккан эт койрыгын кысар.

ә) Батыр үз халкын яклый.

б) Батырларга юл туры.

в)Тәвәккәлгә бүре тимәс.

2. Тартык авазлардан гына торган рәтне билгеләгез. (2 балл)

а)[ы], [т], [н], [п], [й], [с];

ә)[д], [з], [ч], [ф], [х], [й];

б)[р], [г], [ш], [у], [и], [й];

в) [и], [п], [в], [й], [ү], [ә]. Тулырак »

Дусларыбыз
Мөслим районы татар теле укытучыларының район методик берләшмәсе сайты Белем җәүһәрләре-2015 Бөтендөнья интернет-проектлар бәйгесе Татар теле укытучысы Җәлилова Гөлназ сайты Татар телендә интернет белем үзәге
Текстта хата таптыгызмы?
Orphus системасы
Сайт баннеры


Статистика
Flash MP3 Player

Here is the Music Player. You need to installl flash player to show this cool thing!