Э хәрефенең язылышы

Татар сүзләрендә э хәрефе, нигездә, сүз башында гына кулланыла, тар әйтелешле [э] авазын белдерә. Эш, эшлекле сүзләре шундыйлар. Сирәк очракларда гына кушма сүзләрдә бу кагыйдә сакланмый. Мәсәлән: автоэчергеч, политэкономия.

Үзешчән, канечкеч кебек кушма сүзләрдә сүзнең икенче тамыры э хәрефеннән башлануга карамастан (үз һәм эшчән, кан һәм эчкеч), әйтелеш тартыкка ялганып килгәнгә һәм ике сүз чиге иҗек формалаштырганга күрә, е хәрефе белән бирелә.

Башка телләрдән кергән алынма сүзләрдә э хәрефе сүз башында да, сүз ахырында да, сүз уртасында да килергә мөмкин. Бу очракта ул киң әйтелешле [э] авазын белдерү өчен языла. Мәсәлән: поэма, поэзия, аэропорт, алоэ, маэстро, электр.

Гарәп-фарсы алынмаларында э хәрефе «һәмзә» авазын белдерү өчен дә языла. Тәэмин, маэмай, мөэмин сүзләре шундыйлар.


Соңгы яңарту: 24.06.2015

Фикер алышу

Исемегез (мәҗбүри)

Сезнең e-mail (мәҗбүри)

Тема (мәҗбүри)

Хәбәрегез (мәҗбүри)

Күләме 10 Mbтан артмаган .doc,.docx, .txt,.pdf, .jpg, .jpeg, .png, .gif, .ppt, .pptx, .mp3 документ беркетеп җибәрә аласыз.

Рәсемдә ниләр күрәсез:
captcha